《那些年》我們尋找失落了的青澀、戀人、校園、稚氣…

九把刀嘅自傳式小說,由佢本人親自操刀化成電影,港台都成為一時佳話。是否真係非看不可?這倒要睇你有幾懷念那份『中學生情懷』,特別係一個以男性視點為中心嘅中學生愛情故事。

thoseyears

《那些年,我們一起追過的女孩》(2011) 作為九把刀第一套長片,算係十分不錯。鏡頭處處捕捉熟口熟面嘅中學『感覺』:殘舊嘅校舍、白色嘅校服、滿了塗鴉嘅書本、溫書嘅納悶、男孩子間各樣『超低能、勁攪笑』嘅遊戲、重覆嘅測驗考試、測驗考試、以示青春嘅『永遠』藍天與白雲(落雨只在耍酷與分手時才會出現)… 最後,重頭戲當然落係男女主角那份暗戀/傻戀/初戀之上。

那份感情其實算不上什麼驚天地,泣鬼神嘅愛情故事,只係老掉大牙嘅Puppy Love公式。由寃家變朋友、由口角到患難見真情、由情感交流來得淡淡然到因一些不知所謂的衝突而不理不睬,最後還是覺得她才是最愛。可惜一切在未開始以先便已經結束,剰下只係bittersweet嘅遺憾。其實這些故事,任何中學都有一大堆,不過可能係咁,反而最容易引起共鳴。因為未必每個人都能夠有一段好好開花結果嘅愛情,但相信每個人都有一段傻得可以嘅Puppy Love。

故事情節不算新鮮,不過對白、幾個好朋友嘅相處、小情侶嘅情感交流都好有實感,總有一份似曾相識嘅感覺。柯震東、何妍希也選得稱職。他們算不上超級俊男美女,不過就係靚過一般人一點點,既有wishful projection作用又同時不會太難代入。二人也演得活潑討好,冇刻意扮純情可愛。

作為新導演,九把刀有兩個處理手法特別好玩:一)王祖賢、張學友嘅 《吻別》、櫻木花道、Skybox嘅藍球閃卡,全部都係不折不扣嘅90年代產物,但偏偏戲中人嘅打扮、髪形同今日嘅中學生毫無分別(那時候,應該每個男仔都係郭富城/杜拉格斯頭!)。相信目的係一方面讓青少年觀眾輕易代入這個二十年前的故事,另一方面也可讓80後多一份想像;因為回望自己嘅中學照可能已覺今非昔比,幻想自己係當下嘅少男少女重新來過總來得容易一些、輕鬆一些。二)男仔就係會『打手槍』,九把刀用了好玩又有創意嘅方法去表達這回事,做到樂而不淫,比起American Pie那類美式青春性喜劇來得有趣、攪笑得多(固然,有多少人會無聊到在上堂時以此作比賽則另作別論…)

Fantastic Mr. Fox: Simply Fantastic!

Fantastic Mr. Fox (2009) = Wes Anderson x Roald Dahl x Stop Animation,這組合到底會產生什麼化學作用?

Anderson絕對係近年美國突出的Auteur導演,佢嘅trademark明顯到不得了,要拍家庭片,適合細路仔睇,要切合大眾口味,到底會變成點? 會否好似Tim Burton嘅「失望作」- Alice in Wonderland (2010), 只能保留一貫Burton-esque嘅美學,但故事只不過將(名乎其實嘅)「勇者鬥惡龍」故事Alice化就算?

Stop-Animation係Anderson嘅新嘗試, 但保留住佢一貫對細節嘅看重,小狼都要著tighties-whities,Mr. Fox書枱上面嘅電動鉛筆刨, 各式陳年電子錶嘅close-up… 多少重複著佢對70-80年代美式風情嘅眷戀,但Anderson嘅trademark並冇停在美學上,而係滲透在故事中。縱然冇睇過原著,但100﹪肯定Mr. Fox與Ash那份父子情,絕對係出自Anderson手筆,因為實在太熟口熟面。那個永遠absence同distance嘅「父親」,那個強壯、深愛著丈夫、但對子女卻是沉默嘅「母親」,那個期待認同卻總苦沒機會嘅「兒子」,完全係貫穿住Royal Tenenbaums (2001), Life Aquatic with Steve Zissou (2004), The Darjeeling Limited (2007)嘅archetype,一切只不過按著Dahl嘅童話骨幹作引申。那麼,Anderson是否原地踏步?

睇Steve Zissou嘅時候,的該有點太過像Tenenbaums嘅感覺(再睇埋Noah Baumbach嘅The Squid and the Whale (2005) 嘅話,那份相似感就更嚴重…),但Darjeeling Limited已經有明顯嘅進化。若Tenebaums同Steve Zissou中嘅父親都係「悔改」得太遲,已經不能再redeem一個破壞咗嘅家庭嘅話,那麼Darjeeling索性開宗明義「父親已死」,兒子們能否向前則視乎他們的做化。劇終前最後一幕以The Kinks嘅Powerman為配樂,慢鏡追著三個兒子一邊趕火車,一邊將昔日慎而重之的父親遺物 ﹣特製LV行李箱﹣一個又一個地拋開,當中嘅喻意與Up (2009) 中老伯伯一句:「It’s just a house」同樣深遠。來到Fantastic Mr. Fox, 可能基於係童話模式,一切可以去得更「白」。 Mr. Fox可以在水渠中對太太自白,深明作為顧家男人應該安份守己,但奈何心裡總有無以名之的催迫感,需要在眾人面前顯得Fantastic,所以才以身試法,說到底只能承認自己是一隻愛家嘅wild animal。Ash的「大馬士革」也不需等到Mr. Fox遭遇不測才發生。佢敵視身材高挑、體能優越嘅表弟Krsitofferson可得到父親嘅認同,但最後出路還是接受自己全因個子小才能幫助表弟逃獄,為救家人才能爆發運動神經與計謀。Mr. Fox為Ash除下舊襪做嘅白色超人面罩,換上私伙型仔黑色大盜面罩,父子關係不再「愛得太遲」。Mr. Fox最後一藉話,說明家人都是wild animal,面對種種風波過後,最藉得乾杯嘅可能係:「We survive」。這也許是Anderson對後現代家庭嘅安慰。關係疏離、兩代之間嘅宿怨,窮一生也未必可以大團圓,但若你和我天天面對著wild animal仍然能夠survive,或許已經藉得開香檳。

講家庭唔一定悶,Mr. Fox同三個農夫鬥智鬥法嘅主線由頭到尾都幾過癮。縱然講父子,不過Anderson唔會陳腔濫調,始終不失佢常用嘅bittersweet幽默(有趣嘅係,Charlie and The Chocolate Factory (2005) 同樣係Dahl嘅作品,Tim Burton亦無獨有偶地幫Willy Wonka加插一段父子感情線,但Burton嘅做法就生硬、兀突同樣板得多)。George Clooney同Jason Schwartzman聲演Mr. Fox同Ash算得上入形入格,反而Merryl Streep嘅對白唔多,表演空間少咗D。